ಗುರುನಾಥ ಗಾನಾಮೃತ 

ಬಾರೈ ಬಾರೈ ಗುರುದೇವಾ

ರಚನೆ: ಅಂಬಾಸುತ 

ಬಾರೈ ಬಾರೈ ಗುರುದೇವಾ

ತವ ಚರಣವ ತೋರೈ ಗುರುದೇವಾ

ಬುಧಜನವಂದಿತ ಗುರುದೇವಾ

ಬೋಧಸ್ವರೂಪಾ ಗುರುದೇವಾ ||

ಹಗಲಿರುಳೆನ್ನದೆ ನಿಮ್ಮನೆ ಭಜಿಪೆವು

ತವ ಮಹಿಮಾವಳಿಗಳಾ ಪಾಡುತಿಹೆವೂ

ಕಾಯೈ ಕಾಯೈ ಎನ್ನುತ ಬೇಡುತಿಹೆವೋ

ತಾಯಿಯೇ ನೀನು ಎಂದು ನಂಬಿಹೆವೋ ||

ಮಲ್ಲಿಗೆ ಸಂಪಿಗೆ ಮನಕುಸುಮಗಳಾ

ನಿನ್ನಡಿಗಿಡಲೈ ತಂದಿಹೆವೋ

ತುಪ್ಪದ ಆರತಿ ತಪ್ಪದೇ ಮಾಡುವೆವೋ

ಅಪ್ಪ ನೀನೇ ಹರಿ ಹರ ಎನ್ನುವೆವೋ ||

ಏಳಿಸಿ ಸ್ನಾನವ ಮಾಡಿಸಿ ಪೂಜಿಸಿ

ತಲೆಯ ಮೇಲೆ ಹೊತ್ತು ತಿರುಗುವೆವೋ ನಿನ್ನಾ

ತೊಟ್ಟಿಲ ಒಳಗಿಟ್ಟು ಲಾಲಿಯ ಹಾಡುತಾ

ಮಲಗು ಮಲಗಯ್ಯಾ ಎನ್ನುವೆವೋ ||

ಸಖರಾಯಪುರವಾಸ ಗುರುದೇವಾ

ಅಂಬಾಸುತನ ನಿಜದೈವವೇ ನೀನಯ್ಯಾ

ಕಾಪಿಟ್ಟು ಬಾರೋ ಕರುಣೆಯ ತೋರೋ

ಕಂದನ ಸಲಹಲು ಓಡೋಡಿ ಬಾರಯ್ಯಾ ||