ಗುರುನಾಥ ಗಾನಾಮೃತ 

ಭಜನೆಯ ಮಾಡೋಣಾ ಬನ್ನಿರಿ

ರಚನೆ: ಅಂಬಾಸುತ 

ಭಜನೆಯ ಮಾಡೋಣಾ ಬನ್ನಿರಿ

ಭಜನೆಯ ಮಾಡೋಣಾ

ಕರುಣೆಯ ಯಾಚಿಸಿ ಭಾವವ ವರ್ಧಿಸಿ 

ಭಜನೆಯ ಮಾಡೋಣಾ ||

ರಾಗಾ ತಾಳಗಳಾ ರೇಜಿಗೆ ಸಿಲುಕದಲೇ

ಮಾನಾಭಿಮಾನಗಳಾ ದೂರಕೆ ತಳ್ಳುತಾ 

ಭಜನೆಯ ಮಾಡೋಣಾ ||

ಗುರುವನು ಸ್ಮರಿಸುತಲೀ ಗುರುತರ ಭಕ್ತಿಯ ಬೇಡುತಲೀ

ಕುಣಿಯುತ ಮೈಯನು ಮರೆಯುತ ನಾವೂ

ಭಜನೆಯ ಮಾಡೋಣಾ ||

ಸಂಸಾರ ಸುಖದುಖವಾ ಸದ್ಗುರು ಚರಣದ ಮೇಲಿಟ್ಟೂ

ಧನ್ಯನಾವೆನುತಾ ಪ್ರದಕ್ಷಿಣೆ ಮಾಡುತಾ

ಭಜನೆಯ ಮಾಡೋಣಾ ||

ಸಖಸಖಿಯರ ಒಡಗೂಡೀ ಸಾತ್ವಿಕ ಭಾವವ ಬೆಳೆಸೀ

ಸಖರಾಯಪುರವಾಸ ಸಲಹೋ ಎನ್ನುತ

ಭಜನೆಯ ಮಾಡೋಣಾ ||

ಆನಂದ ಮನದೊಳಗಿರಿಸೀ ಅತಿಷಯ ಪ್ರೇಮವ ತುಂಬೀ

ಅಂಬಾಸುತನಾ ಸದ್ಗುರುವ ನೆನೆಯುತ

ಭಜನೆಯ ಮಾಡೋಣಾ ||