ಗುರುನಾಥ ಗಾನಾಮೃತ 

ಗುರು ಹರಿಯೂ ಗುರು ಹರನೂ

ರಚನೆ: ಅಂಬಾಸುತ 

ಗುರು ಹರಿಯೂ ಗುರು ಹರನೂ

ಗುರುವೇ ತಾ ಪರಬ್ರಹ್ಮನೂ

ಅಗಣಿತಗುಣಗಣ ಭೂಷಿತನೂ

ಅಪ್ರಮೇಯನು ಆದ್ಯಂತ ರಹಿತನೂ ||

ಸುಲಭಕೆ ಸಾಧ್ಯನು ಇವನಲ್ಲಾ

ಸಾಧನೆಯೊಳಗಡಗಿಹನೂ

ಸಂತತ ಸೇವೆಯ ಮಾಡುತಲಿರಲೂ

ಸಾಕ್ಷಾತ್ಕಾರವ ನೀಡುವನೂ ||

ತೋರಿಕೆಗೆಂದೂ ತಾ ಬಾರಾನು

ಶುದ್ಧ ಅಂತಕರಣಕೆ ಒಲಿಯದೇ ಇರನು

ಭಾವುಕ ಮನದೊಳು ತಾ ನೆಲೆಸಿಹನೂ

ಭಕ್ತಾಧೀನಾ ಶ್ರೀ ಗುರುವೂ ||

ತಮವನು ಕಳೆಯುವ ಜ್ಯೋತಿ ಸ್ವರೂಪನು

ಗ್ರಹ ಸಂಚಾರವ ತಡೆಯುವನೂ

ದೇಹಭಾವವಾ ಅಳಿಸಿ ಶಿಷ್ಯರಿಗೆ

ಆತ್ಮಾನಂದವ ನೀಡುವನೂ ||

ಸಖರಾಯಪುರದೊಳು ತಾ ನೆಲೆಸಿಹನೂ

ವೇಂಕಟಾಚಲ ನಾಮದಲೀ

ಅಂಬಾಸುತನಾ ಅನವರತಾ ಪೋಷಿಸಿ

ಆನಂದ ನೀಡಿಹ ಅವಧೂತನೂ ||