ಗುರುನಾಥ ಗಾನಾಮೃತ 

ಸಖರಾಯಪುರವಾಸ ಗುರುನಾಥಾ ಗುರುನಾಥಾ

ರಚನೆ: ಅಂಬಾಸುತ 

ಸಖರಾಯಪುರವಾಸ ಗುರುನಾಥಾ ಗುರುನಾಥಾ

ಸದ್ಭಕ್ತ ಪರಿಪಾಲಕ ಗುರುನಾಥಾ ಗುರುನಾಥಾ ||ಪ||

ಶ್ರೀ ಶ್ರೀನಿವಾಸಾ ಶಾರದೆಯ ತನಯಾ

ಶ್ರೀವೇಂಕಟಾಚಲ ನಾಮದಾ ಅವಧೂತಾ ||೧||

ಬದುಕುವುದಾ ಕಲಿಸಿದಾ ಬವಣೆಗಳಾ ಅಳಿಸಿದಾ

ಘನಮಹಿಮಾ ತಾನಾಗಿ ಆನಂದ ನೀಡಿದಾ ||೨||

ಸಂಸಾರ ಸಾಗರವ ದಾಟಿಸುವ ನಾವೀಕಾ

ವೈರಾಗ್ಯ ಭಾವನೀಡಿ ಉತ್ತುಂಗಕೊಯ್ಯೋ ಈಶಾ ||೩||

ಸುಂದರ ವದನಾ ಅನ್ನಪೂರ್ಣೆಯಾ ಸದನಾ

ಬೇಡದಾ ಭಕ್ತರಾ ಕಡೆ ಇವರಾ ಗಮನಾ ||೪||

ಶಂಕರ ರೂಪಾ ಶಂಕೆಯ ಹರಿಸುವ ಪ್ರದೀಪಾ

ಕೊಂಕಾಡುವ ಭಕ್ತರಾ ಕಂಡರೆ ಕಿಡಿ ರೂಪಾ ||೫||

ಮರುಗಿ ಬಂದವರಾ ಮನದೊಳು ತಾ ನಿಲುವಾ

ಮಾತಲ್ಲೇ ಮಹಾಸಂಕಟ ಕಳೆದೂ ತಾ ಬಿಡುವಾ ||೬||

ಧರ್ಮದ ಹಾದಿಯ ತೋರುವ ಧನಿಕತೆಯಾ ಮರೆವಾ

ದಾನಾದಿಗಳ ಮಾಡಿಸಿ ದತ್ತನ ಕೃಪೆ ಕೊಡಿಸುವಾ ||೭||

ಅಂಬಾಸುತನಾ ಅಂತರಂಗವ ತಿಳಿಗೊಳಿಸುವಾ

ಆದ್ಯಂತರಹಿತನಾಗಿ ಜಗದೊಳು ತಾ ಮೆರೆದಿಹಾ ||೮||

ಗುರುನಾಥಾ ಗುರುನಾಥಾ ಗುರುನಾಥಾ ಗುರುನಾಥಾ

ಗುರುನಾಥಾ ಗುರುನಾಥಾ ಗುರುನಾಥಾ ಗುರುನಾಥಾ ||೯||