ಗುರುನಾಥ ಗಾನಾಮೃತ 

ನೀ ನುಡಿದೆ ನಮ್ಮಲ್ಲಿ ಹೊಸರಾಗವ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ನೀ ನುಡಿದೆ ನಮ್ಮಲ್ಲಿ ಹೊಸರಾಗವ

ಶೃತಿಲಯವು ಕೂಡಿರುವ ನವಭಾವವ ||

ಪರಮ ಅದ್ವೈತದ ಪಲ್ಲವಿಯಲ್ಲಿ

ಚಿತ್ತಶುದ್ಧಿಯ ಚರಣದಲ್ಲಿ

ದೃಢಬಕುತಿಯ ತಾಳದಲ್ಲಿ

ಆತ್ಮಬೋಧೆಯ ಸಾರದಲ್ಲಿ  || 

ಹೃದಯಮುಟ್ಟುವ ಇಂಪಿನಲ್ಲಿ

ಮನದಲಿ ಬೆರೆಯುವ ಕಂಪಿನಲ್ಲಿ

ಅರಿವು ತೋರುವ ಭಾವದಲ್ಲಿ

ಕರ್ಮವು ಕರಗುವ ಗಾನದಲ್ಲಿ  ||

ಅಹಂಕಾರವು ಅಳಿಯುವ ರೀತಿಯಲ್ಲಿ

ಸರ್ವಸಮತ್ವದ ನುಡಿಗಳಲ್ಲಿ

ನಿರ್ಗುಣಪರಬ್ರಹ್ಮನ ನಿಜರೂಪದಲ್ಲಿ

ಜೀವನ್ಮುಕ್ತಿಯೆಂಬಾ ಸಾಧನೆಯಲ್ಲಿ ||