ಗುರುನಾಥ ಗಾನಾಮೃತ 

ಪಾದಪದುಮ ಕಂಡೆನೂ 

ರಚನೆ: ಅಂಬಾಸುತ 

ಪಾದಪದುಮ ಕಂಡೆನೂ ನಮ್ಮ

ಗುರುವರನಾ ಅವಧೂತನಾ ||ಪ||

ಪಾಪಗಳನೇ ಕಳೆವಾ ಪಾದ

ಪುಣ್ಯಕಾರ್ಯ ಪ್ರೇರಕ ಪಾದ

ಮುಕ್ಕೋಟಿ ದೇವತೆಗಳೂ ಸದಾ ಕಾಲ ನೆಲೆಸಿಹ ಪಾದ

ಆಗಮ ನಿಗಮಾಗಳೂ ಸ್ತುತಿಸಿ ಪಾಡಿಹ ಪಾದ

ಅಂತರಂಗದಾ ಭಕುತರಾ ಸದಾ ಕಾಯ್ವ ಪಾದ ||1||

ಚಿತ್ತಸುಖವ ನೀಡುವ ಪಾದ

ವಿತ್ತಭ್ರಾಂತಿ ಕಳೆವಾ ಪಾದ

ಅಚಿಂತ್ಯ ರೂಪನಾಗೀ ಆನಂದ ನೀಡುವ ಪಾದ

ಭಾವ ಶುದ್ಧಿಯಿಂದಾ ಭಜಿಸೇ ಭಾಗ್ಯವ ಕೊಡುವಾ  ಪಾದ

ಭವಸಾಗರವಾ ದಾಟಲು ನೌಕೆಯೊಂದೇ ಸದ್ಗುರು ಪಾದ ||2||

ತಮವನು ಕಳೆಯೋ ಪಾದ

ತನ್ಮಯತೆಯ ನೀಡುವ ಪಾದ

ತಂದೆತಾಯಿ ತಾನಾಗೀ ಸಲಹುತಿಹಾ ಗುರುವಿನ ಪಾದ

ಅಂಬಾಸುತನಾ ಐಶ್ವರ್ಯ ಈ ಶ್ರೀಪಾದ

ಸಖರಾಯಪುರವಾಸಿ ಗುರುನಾಥನಾ ಪಾದ ||3||