ಗುರುನಾಥ ಗಾನಾಮೃತ 

ಮುದ್ದು ಮುಖದ ಗುರುರಾಯ ತಾನೆದ್ದು ಬರುತಾನೆ ನೋಡೇ

ರಚನೆ: ಅಂಬಾಸುತ 

ಮುದ್ದು ಮುಖದ ಗುರುರಾಯ ತಾನೆದ್ದು ಬರುತಾನೆ ನೋಡೇ

ಬೃಂದಾವನದಿಂದಾ ತಾನೆದ್ದು ಬರುತಾನೆ ನೋಡೇ ||

ಇದ್ದ ಪಾಪಗಳಾ ತಾನಿಲ್ಲವಾಗಿಸೀ ಪುಣ್ಯದ ಹೊರೆಯಾ 

ಭಕುತರ ಮೇಲಿರಿಸೇ ||

ಕಾಷಾಯಾಂಬರ ಧರಿಸದವನೂ

ದಂಡಕಮಂಡಲ ಪಿಡಿಯಾದವನೂ

ಮಠಮಾನ್ಯವ ಕಟ್ಟಿಸೀ ಪೀಠದಿ ಕೂರದವನೂ

ಸನ್ಯಾಸಿ ಎನಿಸದೇ ಮನಸನ್ಯಾಸ ಹೊಂದಿದಂಥಾ ||

ದಟ್ಟಿಯೊಂದನ್ನೂ ಸುತ್ತಿಕೊಂಡವನೂ

ಅತಿ ಸರಳತೆಗೇ ಸಾಕ್ಷಿ ಇವನೂ

ಕಷ್ಟವೆಂದು ಬಂದಾ ಭಕ್ತರ ಇಷ್ಟ ಪಾಲಿಸುವವನೂ

ಧರೆಯನುದ್ದರಿಸೇ ಬಂದಾ ದತ್ತಾವತಾರಿಯಾದಾ ||

ಧರೆಯೊಳುತ್ತಮವಾದಾ ಸಖರಾಯಪುರದೊಳು

ಸಾತ್ವಿಕರೂಪದೀ ನೆಲೆನಿಂಥಾ ಸದ್ಗುರೂ

ಅಂಬಾಸುತನಾ ಅನವರತ ಪೋಷಿಸುತಿಹಾ

ಶ್ರೀ ವೇಂಕಟಾಚಲನೆಂಬೋ ನಾಮವ ಧರಿಸಿಹಾ ||