ಶ್ರೀ ಗುರು ಚರಿತ್ರೆ 

(ಸಾರಾಧ್ಯಾಯ ಸಂಗ್ರಹಿತ ರೂಪ)

ಮೂಲ ಲೇಖಕರು: ನಿಪ್ಪಾಣಿಯ ಗುರುಚರಣ ಸದ್ಭಕ್ತ ಶ್ರೀ.ವಿಷ್ಣು ಶರ್ಮ 

ಭಾವಾನುವಾದ: ಶ್ರೀ.ಎಸ್. ದತ್ತಾತ್ರಿ (ಭಗವಾನ್) 

ಅಧ್ಯಾಯ - 4

ಸತ್ಯವನು ಪರೀಕ್ಷಿಸಲು ಬಂದು । ಶಿಶುತ್ವ ಪಡೆದರು ಬ್ರಹ್ಮಮೊದಲಾ ।

ವಿಶ್ವಪಾಲರು ಬಟ್ಟೆಗೆಟ್ಟರು ನಾಲ್ಕರಲ್ಲಿ ತಿಳಿಯೆ ।।  4  ।।

ಮಹಾಪತಿವ್ರತೆಯಾದ, ಅತ್ರಿಮುನಿಗಳ ಪತ್ನಿಯಾದ ಅನಸೂಯಾ ಮಾತೆಯ ನೇಮ, ನಿಷ್ಠೆ ಜಗತ್ಪ್ರಸಿದ್ಧವಾದುದು. ಅನಸೂಯೆಯು ತನ್ನ ಶಕ್ತಿಯಿಂದ ದೇವಲೋಕವನ್ನು ಗಳಿಸಿಬಿಟ್ಟರೆ ತಮಗೆಲ್ಲಿ ಸ್ಥಾನವಿರದೆಂದು, ಹೇಗಾದರೂ ಮಾಡಿ ಅವಳ ವ್ರತ ಭಂಗ ಮಾಡಬೇಕೆಂದು - ದೇವತೆಗಳೆಲ್ಲಾ ಸೇರಿ ತ್ರಿಮೂರ್ತಿಗಳಾದ ಬ್ರಹ್ಮ ವಿಷ್ಣು ಮಹೇಶ್ವರರನ್ನು ಬೇಡುತ್ತಾರೆ. ಆಗ ಈ ಮೂವರೂ ಅತ್ರಿ ಮುನಿಗಳಿಲ್ಲದ ವೇಳೆಯಲ್ಲಿ ಆಶ್ರಮಕ್ಕೆ ಬಂದು ಅತಿಥಿಗಳಿಗೆ ಇಚ್ಛಾ ಭೋಜನ ಕೊಡಬೇಕೆಂದು ಕೋರುತ್ತಾರೆ. ಈ ಮೂವರೂ ಕಪಟವೇಷಧಾರಿಗಳ ಬೇಡಿಕೆಯನ್ನು ಕೇಳಿದ ಅನಸೂಯಾಮಾತಾ, ಇವರು ತನ್ನ ಮಕ್ಕಳೆಂದು ಭಾವಿಸುತ್ತಾಳೆ. ಆ ಕೂಡಲೇ ತ್ರಿಮೂರ್ತಿಗಳೂ ಎಳೆ ಕೂಸುಗಳಾಗಿಬಿಡುತ್ತಾರೆ. ಹೀಗೆ ಅವರಿಗೆ ಹಾಲುಡಿಸಿ ತ್ರಿಮೂರ್ತಿಗಳ ತಾಯಿಯಾಗುವ ಅನಸೂಯಾ, ಮುಂದೆ ತ್ರಿಮೂರ್ತಿ ಸ್ವರೂಪರಾದ ದತ್ತಾತ್ರೇಯರ ಅವತಾರಕ್ಕೆ ಕಾರಣಳಾಗುವ ಸುಂದ ಕಥಾನಕವು ನಾಲ್ಕನೆಯ ಅಧ್ಯಾಯದಲ್ಲಿ ಬರುತ್ತದೆ. ಇವೆಲ್ಲವನ್ನೂ ಪರಮ ಜ್ಞಾನಿಗಳಾದ ಅತ್ರಿ ಮುನಿಗಳು ಮನದಲ್ಲಿಯೇ ಕಂಡು ಹರ್ಷಿಸುತ್ತಾರೆ. 

ಮುಂದುವರಿಯುವುದು.....