ಗುರುನಾಥ ಗಾನಾಮೃತ 

ಅರಿವಿನಾಲಯಕೇ ಕರೆದೊಯ್ಯೊ ಗುರುವೇ

ರಚನೆ: ಅಂಬಾಸುತ 

ಅರಿವಿನಾಲಯಕೇ ಕರೆದೊಯ್ಯೊ ಗುರುವೇ

ಆತ್ಮನಿವೇದನೇ ನಾ ಮಾಡಿಕೊಳ್ಳುವೇ ||ಪ||

ಗ್ನಾನವೆಂಬುದೆನಗಿಲ್ಲಾ ನಿಜಭಕ್ತಿ ಅರಿತಿಲ್ಲಾ

ಮುಕ್ತಿ ಎಂಬುವಾ ಪದವ ಕೇಳಿಯೂ ಇಲ್ಲಾ

ಆಸೆ ನಿರಾಸೆಗಳಾ ಬಣ್ಣಬಣ್ಣದಾ ಬದುಕಲೀ

ನಾಟಕವನಾಡುತಾ ಕಾಲ ಕಳೆಯುತಿಹೆನಲ್ಲಾ ||1||

ತಾಮಸಿಗ ನಾನಾಗೀ ತತ್ವಗಳ ದೂರಿರಿಸೀ

ಗುರು ನಿನ್ನ ಅರಿತದೇ ಹೋದೇ ಕುರುಡಾಗಿ ನಿಂತೇ

ಮತಿ ಗತಿ ಇಲ್ಲದೇ ಅತೀ ದೀನನಾಗಿಹೆನೋ

ಮಮತೆಯ ತೋರುತಾ ಸನ್ಮತಿಯ ನೀಡೋ ||2||

ಕ್ಷಮಿಸಯ್ಯ ನಾ ಮಾಡಿದಾ ಅಪಕೃತಿಯಾ

ಮರೆಯಲಾರೆನೋ ನೀ ಮಾಡುವಾ ಉಪಕೃತಿಯಾ

ಸಖರಾಯಪುರವಾಸೀ ಹೇ ಸದ್ಗುರುನಾಥಾ

ಅಂಬಾಸುತನಾ ಅರಿವಿನಾಲಯದೊಳಗೊಯ್ಯೋ ||3||