ಗುರುನಾಥ ಗಾನಾಮೃತ 

ಸಖರಾಯಪುರವಾಸಗೇ ಮಂಗಳಾ

ರಚನೆ: ಅಂಬಾಸುತ 

ಸಖರಾಯಪುರವಾಸಗೇ ಮಂಗಳಾ

ಸುಖ ನೀಡೋ ಮಹನೀಯಗೇ

ಚಿತ್ತದೊಳಗೆ ಬಂದು ಚಿನುಮಯನಾಗಿ ನಿಂದೂ

ಚಂಚಲತೆ ಕಳೆದವಗೇ ||ಪ||

ಪ್ರೇಮ ಸ್ವರೂಪನಿಗೇ ಮಂಗಳಾ

ಮೋಹಮಾಯಾ ಭ್ರಮ ಹರಗೇ

ನಾನಾ ರೂಪವ ಧರಿಸೀ ಜಗದೋದ್ದಾರವಗೈದೂ

ನಾನತ್ವ ಕಳೆದವಗೇ ||೧||

ಬ್ರಹ್ಮಾಂಡ ವ್ಯಾಪಕಗೇ ಮಂಗಳಾ

ಬ್ರಹ್ಮಾನಂದ ನೀಡುವವಗೇ

ಎಲ್ಲೆಲ್ಲಿ ನೋಡಿದರಲ್ಲಲಗಲಿ ಕಾಣುತಾ

ಜಗವೇ ತಾನಾದವಗೇ ||೨||

ಶ್ರೀವೇಂಕಟಾಚಲಗೇ ಮಂಗಳಾ

ಅಂಬಾಸುತನ ಪ್ರಿಯಗೇ

ಶಾರದೆ ಮಡಿಲೊಳು ಯೋಗನಿದ್ರೆಯ ಗೈದಾ

ಅವಧೂತ ಗುರುವರಗೇ ||೩||