ಗುರುನಾಥ ಗಾನಾಮೃತ 

ಬನ್ನಿರೋ ಬನ್ನಿರೋ ಬನ್ನೀರೋ ಗುರುಸೇವೆಯ ಮಾಡೋಣ ಬನ್ನೀರೋ

ರಚನೆ: ಅಂಬಾಸುತ 

ಬನ್ನಿರೋ ಬನ್ನಿರೋ ಬನ್ನೀರೋ ಗುರುಸೇವೆಯ ಮಾಡೋಣ ಬನ್ನೀರೋ

ಬನ್ನೀರೋ ಬನ್ನೀರೋ ಬನ್ನೀರೋ ಶುದ್ಧಅಂತಃಕರಣದಿ ಬನ್ನೀರೋ ||ಪ||

ಎಷ್ಟೋ ಜನ್ಮದ ಪುಣ್ಯವಿದೂ ನಮ್ಮಿಷ್ಟು ಮಂದಿಗೆ ದೊರಕಿಹುದೂ

ಕಾಡಿಬೇಡಿದರೂ ಸಿಗದಿದೂ ಗುರುಸೇವೆ ಕಷ್ಟಾಸಾಧ್ಯವಿದೂ||೧||

ಗುರು ಹರಿಯು ಗುರು ಹರನೂ ಗುರುಬ್ರಹ್ಮನೂ ಮರೆಯದಿರು ಗುರು ಸರ್ವೋತ್ತಮನೂ

ಗುರು ಅಂಧಾಕಾರವ ಕಳೆಯುವನೂ ಜ್ಞಾನ ದೀವಿಗೆಯಾಗೀ ಬೆಳಗುವನೂ ||೨||

ಗುರುಸೇವೆ ಪುಣ್ಯಾ ಸಾಧನಾ ಸರ್ವಪಾಪ ದೋಷ ನಿವಾರಣಾ

ಮುಕುತಿಗೆ ಇದೇ ಸುಲಭದ ಮಾರ್ಗಾ ಸಾರಿ ಹೇಳುತಿಹವೂ ಶ್ರುತಿವಾಕ್ಯಾ ||೩||

ಚಿತ್ತದ ಅರ್ಪಣೆ ಗುರುಸೇವೇ ಭಕ್ತಿವಿತ್ತದ ಅರ್ಪಣೆ ಗುರುಸೇವೇ

ದೇಹದ ದಂಡನೆ ಗುರುಸೇವೇ ಧನ್ಯತಾ ಭಾವನೆ ಗುರುಸೇವೇ ||೪||

ಸಖರಾಯಪುರವಾಸನಾ ಸೇವೆಗೇ ಶ್ರೀ ವೇಂಕಟಾಚಲನಾ ಸೇವೆಗೇ

ಅಂಬಾಸುತನ ಸದ್ಗುರುವಿನಾ ಸೇವೆಗೇ ಅಂತರಂಗದಾ ದೊರೆಯಾ ಸೇವೆಗೇ ||೫||