ಗುರುನಾಥ ಗಾನಾಮೃತ 

ಶರಣಂ ಶರಣಂ ಗುರುನಾಥಾ

ರಚನೆ: ಅಂಬಾಸುತ 

ಶರಣಂ ಶರಣಂ ಗುರುನಾಥಾ

ನಿನ್ನ ಚರಣವ ನಂಬಿದೆ ಗುರುನಾಥಾ ||ಪ||

ನನ್ನತನ ಕಳೆಯೋ ಗುರುನಾಥಾ

ನನ್ನೊಳಗೆ ನೆಲೆಸೋ ಗುರುನಾಥಾ

ನಾವಿಕ ನೀನೇ ಗುರುನಾಥಾ

ಈ ಭವಸಾಗರ ದಾಟಿಸೊ ಗುರುನಾಥಾ ||೧||

ಹರಿಹರ ಅಜ ರೂಪ ಗುರುನಾಥಾ

ಹರಿಸೆನ್ನ ಕರ್ಮವ ಗುರುನಾಥಾ

ಹರಣದಿ ನಿನ್ನ ನಾಮ ಗುರುನಾಥಾ

ಬರುವಂತೆ ಇರಿಸೆನ್ನ ಗುರುನಾಥಾ ||೨||

ಶಿಷ್ಯೋಧ್ಧಾರಕ ಗುರುನಾಥಾ

ಎನ್ನ ಚಿತ್ತಾಪಹಾರಕ ಗುರುನಾಥಾ

ಹತ್ತಿರದ ನಿಜಬಂಧು ಗುರುನಾಥಾ

ಹೂ ಒಳಗಣ ಗಂಧ ಗುರುನಾಥಾ ||೩||

ಬೇಡಿದ ಭಕ್ತರ್ಗೆ ಗುರುನಾಥಾ

ನಿಜ ಕಾಮಧೇನು ಗುರುನಾಥಾ

ತಪ್ಪನ್ನು ತಿದ್ದುವ ಗುರುನಾಥಾ

ಅಪ್ಪಿ ಬುದ್ದಿ ಹೇಳುವವ ಗುರುನಾಥಾ ||೪||

ಅಧಿಕ ಇನ್ಯಾರಯ್ಯ ಗುರುನಾಥಾ

ನಿನಗಿಂತ ಜಗದೊಳು ಗುರುನಾಥಾ

ಸಖರಾಯಪುರವಾಸ ಗುರುನಾಥಾ

ಅಂಬಾಸುತನ ದೊರೆ ಗುರುನಾಥಾ ||೫||